يوم الاثنين المنصرم خرج في الجريدة الرسمية لقانون 40.20 المتعلق بالبطاقة الوطنية للتعريف الإلكتروني
اذن هو حيز التنفيذ :
https://bit.ly/2CmRJDu
المستجد فيه مقارنة مع البطاقة القديمة هو :
1 السن القانوني خاص دير فيه لاكرط ناسيونال هبط
من 18 ل 16
2 زادو في لاكارط رقاقة الكترونية جدية تتسمح انها تقرا من الة تتفور عليها المؤسسات لي خول ليها الأمن الوطني ذالك ،
هاديك الرقاقة تتكون فيها معلومات لي في لاكارط اصلا و تقدر تزيد عليها معلومات إضافية من قبيل لايميل رقم الهاتف…
3 إماكانية استعمال المعلومات لي في رقاقة لاكرط من طرف مؤسسات أخرى من غير الامن الوطني مالي تعطيهم البطاقة ديالك ( وهاد لبلان عندي مواضحش كثير الشي مسألة الخصوصية )
التوفر على هاد البطاقة الجديدة تتعفي مولاه من الإدلاء برسم الولادة ، شهادة الإقامة ، شهادة الحياة ، شهادة الجنسية ( و طبعاً حتى انا مزال تنسول علاش شهادة الحياة كينة أصلاً)
و الاهم هو العقوبات لي هما غرمات تتخلصهم في حالة
- وصلتي لسن القانوني و مادرتيش لاكرط
-سلات ليك لاكرط او تبدلو المعلومات او توضرت و ماعودتيش صوبتبها - طلب ليك عون السلطة لاكرط وماعطيتيهاش ليه
